धनगढी । नेपाली कांग्रेस कैलालीले जेनजी आन्दोलनका क्रममा भएको क्षतिको वास्तविक आकलन गरि आवश्यक पुनःस्थापना र पुर्निनर्माणको कार्य अगाडि बढाउन सरकारसँग माग गरेको छ । आज एक विज्ञप्ति जारी गर्दै कांग्रेस कैलालीले यस्तो माग गरेको हो ।
त्यसै,जेनजी आन्दोलनमा घुसपैठ गरि आगजनी, तोडफोड़ र हिंसामा संलग्न दोषीको पहिचान गरि आवश्यक ससक्त कानुनी कार्बाही गर्न पनि माग गरिएको छ ।
विज्ञप्तिमा जेनजी आन्दोलनका क्रममा मृत्युवरण गरेका प्रति श्रद्धान्जली अर्पणका साथै परिवारजनमा समवेदना र घाइतेको शिघ्र स्वास्थ्य लाभको कामना गरिएको छ ।
नेपाली कांग्रेस कैलालीका सभापित नारायणदत्त भट्टद्वारा जारी विज्ञप्तिमा भनिएको छ ‘नेपाली कांग्रेसका सभापति शेरबहादुर देउवा,नेपाली कांग्रेसका केन्द्रीय सदस्य डा. आरजु राणा देउवा माथिको मानवीय वर्वरता पूर्ण भौतिक आक्रमणको निन्दनीय एवं भत्सर्ना गर्दछाँै । साथै सिघ्र स्वास्थ्य लाभको कामना गर्दछौँ ।’
संघीय लोकतान्त्रिक गणतन्त्रको रक्षार्थ वर्तमान संविधानको रक्षाको लागि हरेक प्रकारका संविधान विरुद्धका क्रियाकलापमा लाग्न सबैलाई आग्रह समेत गरिएको छ ।
प्रदर्शनमा जेनजी पुस्ताको भावना विपरीत अवान्छित घुसपैठ गरि विभिन्न सरकारी कार्यालय,जनप्रतिनिधिका निजि घर,व्यावसायिक प्रतिष्ठान,राजनीतिक दलका कार्यालय, वित्तीय संस्था,मिडिया हाउस,राजनीतिक दलका नेता र व्यक्तिका निजि घरमा आगजनी,तोडफोड़का घटना प्रति खेद व्यक्त गरिएको छ ।
विज्ञप्तिमा भनिएको छ ‘अत्यन्तै कठिन अवस्था र प्रतिकुलताका बीच पनि सामाजिक एकता र सद्भाव नेपाली समाजको विशिष्ट चरित्रलाई बलियो ढंगले प्रस्तुत गर्न स्वदेश र बिदेशमा रहेका नेपाली आमाबुवा, दिदीबहिनी दाजुभाईमा हार्दिक आव्हान गर्दछौँ ।’
