धनगढी । जेनजी आन्दोलनका क्रममा तोडफोड तथा आगजनी गरिएको कैलालीको भूमिसुधार तथा मालपोत कार्यालय पुनः मर्मत र रङ्गरोगन गर्न सुरु गरिएको छ । गत भदौ २४ गतेको आन्दोलनका क्रममा क्षतिग्रस्त कार्यालयले सेवा सुचारु गर्न सरसफाइ र मर्मतको काम अघि बढाएको हो ।
जेनजी आन्दोलनका क्रममा मालपोत कार्यालयमा भएका कुर्सी, टेबल तथा २५ वटा कम्प्युटर सेटसमेत जलेर नष्ट भएका छन् । कार्यालय प्रमुख प्रेमबहादुर दौल्यालका अनुसार आगजनीसँगै केही कम्प्युटर चोरीसमेत भएका छन् । कार्यालयको बिधुत र इन्टरनेट सेवा ठप्प भएको छ । केही महत्वपूर्ण ढड्डाहरु आगजनी हुनबाट जोगिएको र केही कागजात भने पूर्णरुपमा नस्ट भएको उनले बताए ।
कार्यालयमा ठूलो क्षति भएको छ । कार्यालयले अहिले प्राथमिकताका आधारमा सरसफाइ र मर्मतलाई तीव्रता दिएको छ । विद्युत वायरीङ र नयाँ कम्प्युटर उपलब्ध हुनेबित्तिकै सेवा सुचारु गर्न सकिने कार्यालय प्रमुख दौल्यालको भनाइ छ । कार्यालयका सेवा चाँडो भन्दा चाँडो सुरु गर्ने तयारी भइरहेको छ । उनले कार्यालयबाट चोरी भएका कम्प्युटर र अन्य सामान फिर्ता गर्न पनि आग्रह गरे
