धनगढी । सिद्धार्थ हस्पिटालिटीको सेवा धनगढीमा संचालनमा आएको छ । आज धनगढीमा पत्रकार भेटघाटको क्रममा सिद्धार्थ हस्पिटालिटीका क्षेत्रीय कार्यकारी निर्देशक केशव न्यौपानेले सो कुराको जानकारी दिए ।
लक्जरी रेष्टुरेण्ट,स्वीमिंग पुल,वाटर फन पार्क र भव्य ब्यांकेट सहितको सेवा विस्तार गरेको उनले बताए । २०५४ सालतिर कैलालीको टीकापुरमा सिद्धार्थ कटेजका रुपमा स्थापना भइ सेवा प्रारभ्म गरेको उनले बताए ।
सुदूरपश्चिममा उच्चस्तरीरय मनोरञ्जन पूर्वाधार र पर्यटकीय आकर्षणका लागि तयार गरिएको वाटर फन पार्क एण्ड स्वीमिंग पुलको स्थापनाले आन्तरिक पर्यटन प्रवद्र्धन, रोजगारी सृजना गर्ने उनले बताए ।
कैलाली,कञ्चनपुरलगायत पहाडी जिल्ला र भारतका विभिन्न क्षेत्रका वासिन्दाकालागि सुरक्षित, रमाईलो नयाँ गन्तब्य बन्ने विश्वास संस्थाले लिएको छ ।
करिब १७ करोड लागनीमा सञ्चालनमा ल्याइएको हस्पिटालिटी करिब ३० कट्ठा क्षेत्रफलमा फैलिएको तथा १५०० जना क्षमताको व्याँकेट हल रहेको उनले बताए । तिहार अघिनै रेष्टुरेण्ट पनि सञ्चालनमा आउने जनाइएको छ ।
सिद्धार्थ ग्रुप अन्तरगतको सिद्धार्थ हस्पिटालिटी हाल देशभरका विभिन्न ब्राण्ड अन्तरगत ३० भन्दा बढी होटल रेष्टुरेण्ट र रिसोर्टहरु सञ्चालन गरिरहेको उनले बताए । पाँच तारे स्तरमा सिद्धार्थ भिलासा,चार तारे सिद्धार्थ वैभव र तीन तारे सिद्धार्थ बाटिका जस्ता होटलहरुका साथै विभिन्न स्थानमा सिद्धार्थ कटेज,एस क्याफे तथा अन्य सेवा इकाईहरु क्रियाशील रहेको उनले बताए ।
हाल सिद्धार्थ ग्रुप अन्तरगत लगभग २५०० भन्दा बढी कर्मचारीहरु प्रत्यक्ष रोजगारीमा संलग्न रहेको जनाइएको छ ।
