धनगढी ।  कैलाली र कञ्चनपुरबाट एक लाख ६४ हजार मुल्यको भन्सार छलीका सामान प्रहरीले नियन्त्रण गरेको छ । मंगलबार कैलालीको धनगढी १ शिवनगर र २ मिलनचोक बाट भारतबाट भन्सार छलि गरि ल्याएका मूल्य रु।१,४२,३८०।–बराबरको चिनी, धोती, कार्बन, बिडी, सुर्ती, मसला, सुप्पारी, किरानाका सामान, साइकल थान-३ लगायतका सामानहरु जिल्ला प्रहरी कार्यालय कैलालीबाट खटिएको प्रहरी गस्ती टोलीले बेबारिसे अवस्थामा फेला पारी लिएको हो त्यस्तै,    कञ्चनपुरको भिमदत्त ४ कालोपुलबाट मूल्य रु.२१,६९०।– बराबरको स्टेशनरी लगायतका सामानहरु अस्थायी प्रहरी बिट मझगाउँ, कञ्चनपुरबाट खटिएको प्रहरी गस्ती टोलीले बेबारिसे अवस्थामा फेला पारी नियन्त्रणमा लिएको थियो । पक्राउ गरिएका सामान कारवाहीका लागि भन्सार कार्यालय बुझाएको समेत प्रहरीले जनाएको छ ।