धनगढी । प्रादेशिक आयुर्वेद चिकित्सालय धनगढीको आयोजनामा तथा घोडाघोडी नगरपालिका र पतञ्जली योग समिति नेपाल, घोडाघोडीको सहयोग तथा समन्वयमा सुक्खड हेलिप्याडस्थित शिव मन्दिर प्रांगणमा सञ्चालन भइरहेको ५ दिवसीय पालिका स्तरीय वृहत योग शिविर तथा जीवनशैली परामर्श कार्यक्रमको पहिलो दिन सफलतापूर्वक सम्पन्न भएको छ।
कार्यक्रमको पहिलो दिनमै उल्लेखनीय सहभागिता देखिएको छ। आज कुल २५३ जना सहभागीहरूलाई योगाभ्यास गराउनुका साथै जीवनशैलीसम्बन्धी परामर्श प्रदान गरिएको थियो।
त्यसैगरी, कार्यक्रममा ६७ जना सहभागीहरूको मधुमेह परीक्षण गरिएकोमा ५४ जनामा मधुमेह वा पूर्व अवस्था (Impaired Fasting Glucose) देखिएको तथ्यले स्वस्थ जीवनशैली अपनाउनुको आवश्यकता अझ स्पष्ट पारेको आयोजकले जनाएको छ।
कार्यक्रम सफल बनाउन सहयोग गर्ने सम्पूर्ण सरोकारवाला निकाय, सहयोगी संस्थाहरू तथा सहभागी महानुभावहरू प्रति आयोजकले हार्दिक धन्यवाद व्यक्त गरेको छ ।