धनगढी । कञ्चनपुरबाट प्रहरीले बेवारिसे काठ बरामद गरेको छ ।
जिल्लाको दोधारा चाँदनी नगरपालिका-६ भैरव जनकल्याण सामुदायिक वनभित्र काटेर लुकाई छिपाई राखेको अवस्थामा सगुन जातको गोलिया थान-६ (७० क्युफिट) अन्दाजी मूल्य रु.७७ हजार बराबरको काठ बरामद गरिएको प्रहरीले जनाएको छ ।
उक्त काठ इलाका प्रहरी कार्यालय दोधारा चाँदनीबाट खटिएको प्रहरी टोलीले बेवारिसे अवस्थामा फेला पारी नियन्त्रणमा लिई आवश्यक प्रक्रिया पूरा गरि शुक्लाफाँटा राष्ट्रिय निकुञ्जको कार्यालय मझगाँउको जिम्मा लगाएको जनाएको छ ।
