धनगढी । सुदूरपश्चिम प्रदेशका मुख्यमन्त्री कमलबहादुर शाहले आफू पद जोगाउन नभइ पार्टी एकताका लागि कार्यक्रममा आएको बताएका छन ।
शनिबार नेपाली कांग्रेसले धनगढीमा आयोजना गरेको प्रदेश स्तरीय प्रशिक्षण कार्यक्रममा बोल्दै उनले यस्तो बताएका हुन ।
उनले आफू मुख्यमन्त्री पद जोगाउन विमानस्थल गएको नभइ सिंगो कांग्रेस एक होस् भन्ने मनसायले कार्यक्रममा सहभागी भएको बताए ।
उनले नेपाली कांग्रेसभित्र देखिएको आन्तरिक विवाद तथा पार्टी एकताबद्धताको विषयमा वर्तमान नेतृत्वलाई सचेत भएर अघि बढ्न आग्रह गरे ।
त्यस्तै कार्यक्रममा बोल्दै उनले कांग्रेसका निवर्तमान सभापति शेरबहादुर देउवाको पार्टी भित्र हैसियत के हो ? भन्दै सभापति गगनकुमार थापालाई प्रश्न गरेका छ ।
उनले भने ‘आज शेरबहादुर देउवालाई टिकटबाट किन वञ्चित गरियो ? अब उहाँको स्थान कहाँ हुन्छ ?’
उनले पार्टीभित्र नेतृत्वको सम्मान र योगदानको मूल्यांकन हुनुपर्ने बताए ।।
