धनगढी । कैलालीबाट अवैध लागुऔषध खैरो हेरोइनसहित ३ जना पक्राउ परेका छन ।
सोमबार जिल्लाको भजनी नगरपालिका-८ बदला चोकबाट अवैध लागुऔषध खैरो हेरोइन जस्तो देखिने धुलो पदार्थ १ ग्राम ६०० मिलिग्रामसहित टीकापुर नगरपालिका-१ बस्ने २५ वर्षीय बिष्णु कठायत र सोही नगरपालिकाको वडा नं १० बस्ने १९ वर्षीय धर्मेन्द्र शाह पक्राउ परेका सुदूरपश्चिम प्रदेश प्रहरी कार्यालयले जनाएको छ ।
प्रहरी चौकी जनकपुरबाट खटिएको प्रहरीले शंका लागि चेकजाँच गर्दा उक्त पदार्थ फेला पारी उक्त पदार्थ सहित निजहरु दुवै जनालाई पक्राउ गरेको जनाएको छ ।
यसैगरी, गौरीगंगा नगरपालिका-८ चमारीपुरबाट अवैध लागुऔषध खैरो हेरोइन जस्तो देखिने धुलो पदार्थ १ ग्राम १५० मिलिग्राम सहित सोही ठाउँ बस्ने १७ वर्षीय किशोरलाई सोमबार दिउसो प्रहरीले पक्राउ गरेको छ ।
निजले घरमा लागुऔषधको कारोबार गरिरहेको छ सूचनाको आधारमा इलाका प्रहरी कार्यालय मसुरियाबाट खटिएको प्रहरीले शरिर तथा घरमा खानतलासी गर्दा उक्त पदार्थ फेला पारी उक्त पदार्थ सहित निजलाई पक्राउ गरेको जनाएको छ । यस सम्बन्धमा प्रहरीले आवश्यक अनुसन्धान गरिरहेको जनाएको छ ।
