धनगढी । नवजीवन सहकारी संस्था लिमिटेडको ३२ औँ वार्षिक साधारणसभा अन्तर्गत जेठ ९ गते हुने निर्वाचनका लागि अध्यक्षका उम्मेदवार घनबहादुर शाहले आफ्नो चुनावी प्यानल घोषणा तथा प्रतिवद्धता सार्वजनिक गरेका छन ।
आज धनगढीमा पत्राचार सम्मेलन गर्दै शाहले प्यानल घोषणा तथा प्रतिवद्धता सार्वजनिक गरेका हुन ।
शाह नेतृत्वको प्यानलमा उपाध्यक्षमा ईश्वर जोशी रहेका छन् । त्यसैगरी सदस्यहरुमा दीर्घबहादुर शाह, धनञ्जय भट्ट,पवित्रा कुमारी धिक्त(पाण्डेय), लक्ष्मीनारायण चौधरी, विक्रम विश्वकर्मा, विश्वनाथ ओझा र शिवकुमार जोशी (फुलारा) उम्मेदवार रहेका छन ।
पत्रकार सम्मेलनमा बोल्दै अध्यक्षका उम्मेदवार शाहले पारदर्शिता, सुशासन र सदस्यको आर्थिक समृद्धिलाई मुख्य एजेन्डा बनाउँदै निर्वाचनमा होमिएको बताए ।
अध्यक्ष पदका उम्मेदवार शाहले आफू नेतृत्वको टीममा विभिन्न क्षेत्रमा रही लामो समयदेखि काम गर्दै आएका व्यक्ति रहेकोले टीम बलियो भएको दाबी गरे ।
उनले सहकारीको पुँजीलाई सुरक्षित राख्दै सदस्यहरूको आर्थिक स्तर उकास्ने, स्वरोजगारका अवसरहरू सिर्जना गर्ने र संस्थालाई प्रविधिमैत्री बनाउने प्रतिबद्धता व्यक्त गरे ।
उनले संस्थाका सबै वित्तीय कारोबारलाई पारदर्शी बनाउने र सदस्यहरूको विश्वास मजबुत पार्ने लक्ष्य रहेको बताए ।
बचत तथा ऋण कारोबारमा मात्र सीमित नरही सदस्यहरूको शिक्षा, स्वास्थ्य र सामाजिक सुरक्षामा समेत सहकारीको योगदान बढाइने योजना रहेको उनले बताए ।
शाह नेतृत्वको टीममा लामो समयदेखि सामाजिक तथा सरकारी सेवामा अनुभव प्राप्त व्यक्तिहरु रहेका जनाइएको छ ।
शाह नेतृत्वको प्यानलले प्रतिवद्धता सार्वजनिक गरेको छ ।
यस्ता छन् शाह नेतृत्वको प्यानलका प्रतिवद्धता
