धनगढी । धनगढी उपमहानगरपालिकामा असोज ८ गतेदेखि जेई खोप सञ्चालन हुदै छ । धनगढी उपमहानगरपालिका वडा नम्बर ५ मा पनि सो खोप अभियान सञ्चालनका लागी आधारभूत स्वास्थ्य सेवा केन्द्र ५ जाईले एक सूचना जारी गरी खोप केन्द्र हरूको निर्धारण गरेको छ।
आधारभूत स्वास्थ्य सेवा केन्द्र–५, जाईँद्वारा जारी सूचना अनुसार असोज ८ गतेदेखि विभिन्न १० वटा खोप केन्द्रमा अभियान सञ्चालन हुनेछ। अभियानअन्तर्गत लक्षित नागरिकलाई आफूलाई पायक पर्ने खोप केन्द्रमा पुगेर खोप लगाउन अनुरोध गरिएको छ।
खोप अभियानअन्तर्गत सामुदायिक प्रहरी केन्द्र हसनपुर, ग्ल्याक्सी बो.स्कुल बि ब्लक हसनपुर, axis बो.स्कुल हसनपुर, सैलेश्वरी बो.स्कुल जाई, चैतन्य पाठशाला शिवनगर, रा.आ.वि.तारानगर, बाल विहानी बो.स्कुल तारानगर, बडिमालिका टोल तारानगर, शारदा बो.स्कुल तारानगर र आधारभूत स्वास्थ्य केन्द्र–५ जाईमा खोप केन्द्र तोकिएका छन्।
सबै खोप केन्द्रमा बिहान १० बजेदेखि दिउँसो ३ बजेसम्म खोप लगाइनेछ। अभियानमा ३० वर्ष पूरा भएका नागरिकहरूलाई अनिवार्य रूपमा सहभागी भई जेई खोप लगाउन आग्रह गरिएको छ।