धनगढी- धनगढी उपमहानगरपालिकाले धनगढीका मुख्य सडकमा डोजर चलाएको छ । तीहारपछि हटाइने भनिएका संरचनाहरु हटाउन उपमहानगर बुधबारदेखि लागेको हो । वडा नम्बर १ कैलाली पुलदेखि वडा नम्बर ८ क्याम्पस चोक सडक छेउका संरचना हटाउन उपमहानगरले डोजर चलाएको जनाएको हो ।

आज धनगढीस्थित अस्पताल लाइन सडक छेउका संरचना हटाइदै छ । यसअघि भदौ १३ मा उपमहानगरपालिकाले सडक छेउका संरचना हटाउन पत्राचार गरेको थियो ।

सडकको विस्तृत योजना प्रतिवेदन (डिपीआर) तयार भइरहेको र सडकको दायाँ–बायाँ १५ मिटर सडक अधिकार क्षेत्रभित्र पर्ने भवन हटाउन घर धनिलाई उपमहानगरले पत्राचार गरिसकेको थियो । धनगढी उप–महानगरपालिकाका मेयर गोपाल हमाल, उपमेयर कन्दकला राना स्वयमको उपस्थीति रहेको थियो ।