अछाम– नेकपा एकीकृत समाजवादी अछामका नेता तथा युवा संघ नेपालका केन्द्रीय सदस्य सतिश कुँवरले पार्टी छोडेका छन् ।
उनले बिहीबार एक प्रेस विज्ञप्ती जारी गर्दै देशलाई अस्थिरतातिर लिने अपबित्र गठबन्धनको फोहोरी राजनीतिबाट बिदा लिएको घोषणा गरेका हुन् । उनले गठबन्धनलाई आफ्नो स्वार्थको केन्द्रित भएको बताएका छन् ।
एमालेमा गरेको बिद्रोह सीमित व्यक्ति, अवरसरवादी, व्याक्तिवादी र कमिसनवादीको रुपमा परिणत भएपछि पार्टी छाडेको बताए ।
उनले भनेका छन्– ‘बस्ती बस्तिमा गएर पार्टी संघसंगठन निर्माण गरियो तर परिणाम खोका र थोत्रा गाला बजाउँदै आफ्नो स्वार्थको लागि मात्र प्रयोग गर्ने नेता हुँ भनाउदा केही व्यक्तिले विद्रोहको नाममा हामी निस्वार्थी युवाका काँधमा चढेर आफू सत्तामा जाने दाउ अर्थात तुरुप हानेको एउटा ठूलो अनुभव भयो ।’
कुँवरले कुनै पार्टीमा नजाने र स्वतन्त्र भएर अगाडि बढ्ने विज्ञप्तीमा भनेका छन् । अछाम –१ मा गठबन्धनबाट शेरबहादुर कुँवर, एमालेका झपट बोहरा र स्वतन्त्र उमेदवार राजन कुँवरबीच कडा प्रतिस्पर्धा हुने आकलन गरिएको छ।
