दार्चुला- दार्चुलामा अटो दुर्घटना भएको छ। जिल्लाको गोकुलेश्वर–देथला–बिटुले–पारिबगर सडक खण्डको कर्कले नजिकको ओसपमा अटो दुर्घटना भएको हो। दुर्घटनामा चालकसहित तीन जना घाइते भएका छन्।
शैल्यशिखर नगरपालिका–३ ओसपबाट गोकुलेश्वर आउँदै गरेको सुपप्र ०१००१ ह ५०३५ नम्बरको अटो विहिबार राति ओसप मोडमा दुर्घटना भएको थियो।
घाइते हुनेमा शैल्यशिखर–३ का अटो चालक ३३ वर्षीय रिकेश गोयला, २२ वर्षीय महेन्द्रबहादुर चन्द र ३२ वर्षीय हरि गोयला छन्। चालक गोयलाको खुट्टामा गम्भीर चोट लागेको छ। उनलाई थप उपचारको लागि धनगढी रिफर गरिएको प्रहरीले जनाएको छ।
