धनगढी– सुदूरपश्चिम प्रदेशबाट गत आर्थिक वर्ष २०७८/७९ मा वैदेशिक रोजगारीका लागि विदेश गएकाहरु १० जना कामदारको मृत्यु भएको छ । सुरक्षित वैदेशिक रोजगारीको क्षेत्रमा काम गरिरहेको सुरक्षित आप्रवासन (सामी) ले आइतबार धनगढीमा आयोजना गरेको अन्तरक्रिया कार्यक्रममा यस्तो तथ्यांक सार्वजनिक गरेको हो ।
सामीका अनुसार गत वर्ष सुदूरपश्चिमबाट १५ हजार ३४५ जनाले श्रम स्वीकृति लिएका छन् । २०७८/७९ को तथ्याङक अनुसार एक हजार ४७९ मृत्यु भएको छ भने २४५ जनाको अंगभग भएका छन् । जसमध्ये १० जना कैलालीका हुन् । जसको २.४ प्रतिशत हुन आउँछ ।
कार्यक्रममा बोल्दै धनगढी उपमहानगरपालिकाकी उप–प्रमुख कन्दकला रानाले विदेश जानुपर्ने भए सीप सिकेर जानुपर्ने बताइन् । सामीले वैदेशिक रोजगारीमा जानेहरुको हकमा थुपै कामहरु गर्दै आएको उनले बताइन् ।
धनगढी उपमहानगरपालिकाले पनि वैदेशिक रोजगारीमा जानेहरुका लागि विभिन्न सिपमुलक तालिमहरु दिँदै आइरहेको उनले बताइन् । सामीले गर्न कामहरुको बारेमा जनताहरुलाई अझै प्रचार–प्रसार गर्न आवश्यक रहेको उनको भनाइ छ ।
सुरक्षित आप्रवासन (सामी) ले यस प्रदेशको कैलालीका चार पालिका धनगढी उपमहानगरपालिका, टिकापुर नगरपालिका, घोडाघोडी नगरपालिका र जानकी गाउँपालिकामा काम गर्दै आएको छ ।
विगत चार वर्षदेखि सुरक्षित आप्रवासन (सामी) ले कैलालीका चार पलिकामा काम गर्दै आएको सुदूरपश्चिम प्रदेश संयोजक पंचराम चौधरीले बताए । वैदेशिक रोजगारीमा जानेहरुका लागि सीप मुलक तालिमहरु दिँदै आइरहेको उनले बताए ।
सुरक्षित आप्रवासन (सामी) का कार्यक्रम संयोजक दिपक बोहराले सामीले वर्षभरि गरेका कामहरुको प्रस्तुतीकरण गरेका थिए । कार्यक्रममा धनगढी उपमहानगरपालिका सामाजिक विकास शाखा प्रमुख एवम् सामीका फोकल पर्सन टंकबहादुर बिष्टले स्वागत मन्तव्य राखेका थिए ।
