धनगढी–पछिल्लो समय तरकारी खेतीतर्फ किसानको आकर्षण बढ्न थालेको छ । किसानले तरकारी खेतीबाट राम्रै आम्दानी पनि गर्ने गरेका छन् । कैलालीको धनगढी उपमहानगरपालिका–६ मटियारीका बिखलु राना प्राय तरकारी बारीमै व्यस्त हुन्छन् । उमेरले ५० वर्षीय बिखलुले आठ कठ्ठा बढी जग्गामा तरकारी खेती गर्दै आएका छन् ।
उनले तरकारी खेतीबाट वार्षिक ३ लाख आम्दानी गर्ने गरेको बताए । उनले भने ‘तरकारी खेतीबाट आम्दानी राम्रै हुन्छ । वार्षिक ३ लाखसम्म आम्दानी गर्छु । ‘सबै घरखर्च यसैबाट चलाउने गरेको छु ।’ ८ जनाको परिवारको सबै खर्च तरकारी खेतीबाटै भएको आम्दानीले धान्ने गरेको उनले बताए । उनले भने ‘तरकारीबाटै भएको आम्दानीबाट लुगाकपडा किन्ने,बालबालिकाको पढाइ लेखाइदेखि सबै खर्च चलाउँछु । आफूले पनि तरकारी किनेर खानु परेको छैन् ।’
उनले यसवर्ष मात्र करिब १ लाखको तरकारी बेचिसकेका छन् । उनले भने ‘यस वर्ष एक लाख जतिको मुला,काउली,बन्दा,धनीयाँ बेचिसकेको छु । बारीमा अझै आलु,टमाटर,खुसार्नी,मुलालगायतको तरकारी छ । बेच्न बाँकी नै छ ।’ लामो समयदेखि तरकारी खेती गर्दै आएका राना तरकारी खेती सम्बन्धि पूरै अनुभव भैसकेको बताउँछन् । उनले थपे ‘तरकारी खेती सम्बन्धि तालिम त लिएको छैन् । कृषि प्राविधिक पनि होइन् । तर काम गर्दा गर्दै तरकारी खेती सम्बन्धि अनुभव भइसक्यो ।’
उनले भने ‘पहिले तरकारी खेतीको अनुभव थिएन् । कहिले तरकारी,कहिले बीउ,कहिले बेर्ना बिग्रिने समस्या हुन्थ्यो । अहिले त्यस्तो हुँदैन् । कुन बेला कुन तरकारी कसरी लगाउने कसरी लगाउने अहिले पूरा अनुभव भइसक्यो । तरकारी बिग्रिने समस्या हुँदैन् । राम उत्पादनै हुन्छ ।’ उत्पादित तरकारी बिक्री गर्न पनि कुनै समस्या नहुने उनले बताए । ‘उनले भने ‘तरकारी बेच्नमा समस्या हुँदैन । बजारमा लगेर बेच्छौँ,नबिक्ने हुँदैन । बारीमै किन्न पनि आउँछन् ।’
मलखाद्य पाउन भने समस्या हुने गरेको उनको भनाइ छ । ‘तरकारीको बीउ त सजिलै पाउन सकिन्छ । समस्या हुँदैन । उनले भने ‘तर मलखाद्य भने पाउन गाह्रो हुन्छ । ‘सरकारले समयमै मलखाद्य पु¥याइ दिए हामीजस्ता किसानलाई हुन्थ्यो ।’
