धनगढी । कैलालीमा सशस्त्र प्रहरी बल, नेपाल नं ३४ गण कैलालीबाट परिचालित टोलिले धमाधम भारतबाट भन्सार छली गरि ल्याएका सामान पक्राउ गर्न थालेको छ ।
यहि मंसिर ४ र ५ गतेका दिन मात्र १८ लाख ६३ हजार ५ सय ८० मुल्य पर्ने सामान पक्राउ गरिएको सशस्त्र प्रहरी बल, नेपाल नं ३४ गण कैलालीका एसपी दलबहादुर पाण्डेयले निशाना न्युजलाई जानकारी र्दिए।
धनगढी उपमहानगरपालिका वडा नं १२ ए गाँउ स्थित दुर्गा मन्दिरको नजिकैबाट नेपालतर्फ भित्र्याई बेवारिसे अवस्थामा रहेको सातवटा ठुलो बोराहरुमा प्याकिङ्ग गरेको १५५ बन्डल १५५० प्याकेट प्लाष्टिकको रेडिमेड ध्वजा पतंगा टेन्टको कपडा, टायर, सुर्तिजन्य पदार्थ बरामद गरी आबश्यक कार्बाहीका लागी कैलाली भन्सार कार्यालय त्रिनगर बुझाएको उनले बताए ।
सशस्त्र प्रहरी बल, नेपाल बि.ओ.पि.जुगेडाबाट सशस्त्र प्रहरी निरीक्षक धन बहादुर नाथको कमाण्डमा खटिई गएको मोबाईल टोलीले मुल्य रु ९ लाख ४८ हजार बराबरको उक्त सामानहरु बरामद गरेको उनले बताए । ।
रातो कलरको अटोमा सामान लोड भएर गई रहेको सूचनाको आधारमा सशस्त्र प्रहरी बलको टोलीले पिछा गरेको थाहा पाए पछी अटो चालकले अटोबाट सामान अनलोड गरी रोडको छेउमा लुकाएर भागेको र उक्त लुकाएको ठाँउबाट उल्लेखित परिमाणको सामान बरामद गरिएको उनको भनाई छ ।
त्यसै गरि प्रस्तावित सीमा सुरक्षा गुल्म त्रिनगर¸ प्रस्तावित सीमा सुरक्षा गुल्म खक्रौला¸ प्रस्तावित सीमा सुरक्षा गुल्म खोनपुर, वि.ओ.पी. बंग्राकटान¸ वि.ओ.पी कुसुमघाट¸ वि.ओ.पी हिम्मतपुर¸ वि.ओ.पी फुलवारी¸ वि.ओ.पी लल्लीपुर¸ वि.ओ.पी भुइयाफाँटा¸ वि.ओ.पी छोटीपलिया¸ वि.ओ.पी हलौनाघाट¸ एफ.ओ.पी नल्काघाटका विभिन्न स्थानहरुका सीमा ईलाकाबाट भारतबाट अबैध रुपमा नेपाल भित्र्याई ल्याएका अन्दाजी रु ८ लाख ६३ हजार ८ सय ३० बराबरको लत्ताकपडा, हार्डवयर, इलोक्ट्रोनिक सामान, टायर, चिनी, प्याज लगाएत किराना सामानहरु बरामद गरि भन्सार कार्यालयमा बुझाइएको उनले बताए ।
सशस्त्र प्रहरी बल, नेपाल बि.ओ.पि. बंगराकटानबाट धनगढी ९ भैसीघाट सीमा ईलाका स्थित नेपाल भित्र्याई ल्याएका अन्दाजी मुल्य रु ५१७५० वरावरको ९५ के.जी ब्रोईलर कुखुरा तथा ३० केजी माछा बरामद गरि स्थानिय जन-प्रतिनिधि तथा स्थानियको रहोबरमा नष्ट गरेको सशस्त्र प्रहरी बल नेपाल नं ३४ गण कैलालीले जनाएको छ ।
