धनगढी । नेकपा (मसाल)का महामन्त्री मोहनविक्रम सिंहले संघीयताका कारण देश बर्बाद भएको बताएका छन् ।
शुक्रबार सो पार्टीले धनगढीमा आयोजना गरेको पत्रकार सम्मेलनमा बोल्दै उनले यस्तो बताएका हुन् ।
उनले भने ‘संघीयतामा भइरहेको खर्च शिक्षा स्वास्थ्य लगायतका जनताका आधारभूत आवश्यकताका क्षेत्रमा लगाएको भए आज जनता औषधी उपचारबाट बञ्चित हुनुपर्ने अवस्था आउने थिएन् ।’
उनले संघीयताका नाममा भइरहेको खर्च अन्य विकास निर्माण लगायतका काममा खर्च गर्नुपर्ने बताए । उनले भने ‘संघीयता जनताको आवश्यकता होइन् । यसमा देशको ठूलो धनराशी खर्च हुँदै छ ।’
त्यस्तै उनले देशमा भ्रटाचार,महंगी तथा बेरोजागरी बढ्दै गएको बताउँदै जनताले भ्रष्टचार नगर्ने नेता र पार्टी खोजिरहेका बताए । उनले भने ‘देशमा विकास चाहिएको छ । देशमा रोजगारी चाहिएको छ । देशमा रोजगारीको अवसर नहुँदा विदेशिने युवाको संख्या बढ्दै गएको छ ।’
उनले बेलाबेलामा भइरहने सरकार गठन पुनर्गठनले देशमा राजनीतिक अस्थिरता बढाएको बताए । महामन्त्री सिंहले अर्को प्रसंगमा बोल्दै सहकारी ठगी प्रकरणमा दोषीलाई कारबाही गर्नुपर्ने बताए ।
उनले भने ‘सहकारीका कारण लाखौं जनताको विचल्ली भएको छ । सहकारी ठगीमा संलग्न जो कोहीलाई निश्पक्ष छानबिन गरि दोषीलाई कारबाही गर्नुपर्छ । पीडितलाई न्याय दिनुपर्छ ।’
