धनगढी । कैलालीमा श्रमजीवी पत्रकार संघ नेपालको शाखा गठन गरिएको छ । जिल्लामा सञ्चालित विभिन्न सञ्चार माध्यममा कार्यरत श्रमजीवी पत्रकारहरुको भेलाले आइतबार मीन ठकुरीको अध्यक्षतामा समिति गठन गरेको हो ।
समितिको उपाध्यक्षमा वीरेन्द्र भट्ट, उपाध्यक्ष (पिछडीएको क्षेत्र) मा अंकुश कुँवर, महिला उपाध्यक्षमा निर्मला शाही, सचिवमा सुरेन्द्र ताम्राकार,कोषाध्यक्षमा पुष्कर पौडेल, सहसचिवमा ध्रुव ओझा र सहसचिव (समावेशी) मा रञ्जना बिसी सर्वसम्मत चयन भएका छन ।
यसैगरी समितिको सदस्यहरुमा राजकुमार साउँद, शारदा फुलारा, प्रेम चौधरी, शान्तिप्रसाद जोशी, महादेव गिरी, प्रेम ताडी र हरिश भट्ट रहेका छन ।
गठन पश्चात बसेको समितिको बैठकले विभिन्न निर्णयहरु गरेको छ । समितिले मुख्य रुपमा अर्धवार्षिक बुलेटिन प्रकाशन गर्ने निर्णय गरेको छ । उक्त बुलेटिनमा जिल्लाका श्रमजीवी पत्रकारहरुले लेखेका समाचार तथा लेखरचनाहरु प्रकाशित गरिने समितिका अध्यक्ष मीन ठकुरीले बताए ।
