डोटी । डोटीको बोगटान फुडसिल गाउँपालिका- ४ जजला घर भई भारतमा काम गर्दै आएका गौरब बम मृत्युसँग लडिरहेका छन् । घरको दैनिकी चलाउन बाल्यकालमै भारत पसेका गौरव यतिबेला दुईटै मृगौला फेल भएर भारतको नयाँ दिल्लीस्थित महाराज एग्रेसन हस्पिटलमा उपचार गराइरहेका छन् ।
४० वर्षीय गौरव विगत एक महिनादेखि अस्पतालको आईसियुमा उपचार गराइरहेका छन् । एक महिनाको उपचारमा उनको ११ लाख बढी खर्च भइसकेको उनका भाइ जोग बमले बताए । घरको आर्थिक अवस्था कमजोरका कारण उनलाई आइसियुमै राखेर उपचार गर्न समेत धौधौं भइरहेको छ।
अस्पतालका अनुसार उनको दुईटै मृगौला फेर्नुपर्ने छ । आफ्नै परिवारले मृगौला दिए प्रत्यारोपण गर्न १२ लाख भारतीय रुपैयाँ लाग्ने र बाहिरबाट मृगौला किन्नु परेमा ३५ लाख भारतीय रुपैयाँ लाग्ने बताइएको छ । तर त्यत्रो पैसा कहाँ बाट ल्याउने भन्दै चिन्तित बनेको परिवारले सहयोगी हातहरूलाई गुहार्दै छन् ।
दाजु गौरवको उपचारका लागि सबैले सहयोग गरिदिन उनका भाइ जोग बमले आग्रह गरेका छन् । कुनै सहयोगी हातहरुले सहयोग गर्न चाहेमा +918360248798 नम्बरमा कल गर्न सक्ने उनले बताए।
सहयोगको लागि मनु बम +917986490919 , रुद्र बम पन्जाब +919988753390 मा सम्पर्क सकिने उनले बताए ।
