धनगढी । अखिल (क्रान्तिकारी) सुदूरपश्चिम प्रदेश समितिले कैलालीको ऐश्वर्य बहुमुखि क्याम्पसमा विद्यार्थीबीच भएको विवाद घटनाप्रति गम्भीर ध्यानाकर्षण भएको बताएको छ ।
बिहीबार अखिल (क्रान्तिकारी)का सुदूरपश्चिम प्रदेश अध्यक्ष बीरबहादुर थापाले एक विज्ञप्ति जारी गर्दै उक्त घटनामा संगठनको गम्भीर ध्यानाकर्षण भएको जनाएका छन् ।
उनले जारी गरेको विज्ञप्तिमा भनिएको छ ‘सुदूरपश्चिम प्रदेश स्थानीय तहको गठन, सञ्चालन र सेवाका सर्तसम्बन्धीमा व्यवस्था गर्न बनेको विधेयक २०८१’ विरुद्ध आन्दोलनमा विद्यार्थीहरुलाई सरिक गराउने क्रममा आचारसंहिताको विषयमा निर्वाचन प्रमुखको कार्यकक्षमा छलफलको क्रममा हाम्रो सगठनका केन्द्रीय उपमहासचिव विकास बिष्ट र निर्वाचन अधिकृतमाथि अनेरास्ववियुका जिल्ला अध्यक्ष तथा वर्तमान स्ववियू अध्यक्ष कुबेर खड्कालगायत अनेरास्ववियुका कार्यकर्ताले हातपात गरेर निर्वाचनका कागजपत्रहरु च्यात्ने र निर्वाचनको कार्यालयमा तालाबन्दी गरेको घटनाले हाम्रो सङ्गठनको गम्भीर ध्यानाकर्षण भएको छ ।’
‘हार मानसिकताको उपजका रुपमा देखाइएका यस्ता गैर राजनैतिक र अनैतिक घटनाको अनेरास्ववियू (क्रान्तिकारी) घोर भत्सर्ना र निन्दा गर्दछ’ विज्ञप्तिमा भनिएको छ–‘उक्त घटनामा संलग्न व्यक्तिलाई कडाभन्दा कडा कार्वाहीका लागि सम्बन्धित निकायलाई जोडदार माग गर्दछौं । अन्यथा हाम्रो संगठन चुप लागेर नबस्ने चेतावनी पनि यसै प्रेस विज्ञप्ति मार्फत दिन चाहान्छौ ।’
