धनगढी । कैलालीमा अवैध लागूऔषध ब्राउन सुगर जस्तो देखिने पदार्थसहित चार जना पक्राउ परेका छन् ।
भजनी नगरपालिका–३ कुसुमघाटबाट ७८० मिलिग्राम ब्राउन सुगर जस्तो देखिने धुलो पदार्थसहित तीन जना पक्राउ परेका हुन् ।
पक्राउ पर्नेमा लम्कीचुहा नगरपालिका-१ का २६ वर्षीय बिशाल विष्ट, वडा नम्बर २ का ३४ वर्षीय रामबहादुर शाही र वडा नम्बर ५ का २१ वर्षीय बिज्ञान भण्डारी रहेका प्रहरीले जनाएको छ ।
त्यसैगरी, धनगढी उपमहानगरपालिका-७ मनेहरा रानागाउँबाट १ ग्राम ४५ मिलिग्राम ब्राउन सुगर जस्तो देखिने धुलो पदार्थसहित २२ वर्षीय सुरेश राना पक्राउ परेका छन् ।
पक्राउ परेका चारै जनामाथि प्रहरीले आवश्यक अनुसन्धान गरिरहेको जनाएको छ ।
