धनगढी । कैलालीको धनगढीमा ‘हिरो मेघा एक्सचेन्ज’ मेला सुरु भएको छ । विशेष अटोमोबाइल्स प्रालिको आयोजनामा आजबाट मेला सुरु भएको हो ।
आज पत्रकार सम्मेलन गर्दै मेलाका बारेमा जानकारी दिइएको छ । मेघा एक्सचेन्ज मेला ग्राहकहरुले सुविधा पाउन भन्ने उदेश्यले सञ्चालनमा ल्याइएको विशेष अटोमोबाइल्स प्रालिका सञ्चालक पुष्कर ओझाले जानकारी दिए ।
नयाँ बर्षको अफर अन्तर्गत उपभोक्ताहरुले आफ्नो पुरानो मोटरसाइकल साटेर नयाँ हिरोको बाइक लिन चाहने ग्राहकहरुको सुविधालाई मध्यनजर गर्दै एक्सचेन्ज सुविधा प्रदान गरिएको उनले बताए । एक्सचेन्ज सुविधा अन्तर्गत ग्राहकहरुले आफ्नो पुरानो बाइकको उचित मूल्यांकन गरी नयाँ हिरोको बाइक सजिलै एक्सचेन्ज गर्न सक्ने उनले बताए । मेला वैशाख ८ गतेसम्म सञ्चालन हुनेछ ।
त्यस्तै, उनले नयाँ वर्षको अफर साथमा नयाँ हिरोको साँचो हातमा अफर कम्पनीले सार्वजनिक गरेको उनले बताए । सार्वजनिक अफर अन्तर्गत अफरमा सहभागिता जनाउनु हुने उपभोक्ताहरुले नयाँ मोटरसाइकलको खरिद गर्दा आकर्षक नगद छुट, सजिलो फाइनान्सका साथै साप्ताहिक लक्की ड्रमा समेत सहभागिता जनाउन पाउने उनले बताए ।
यस अफर अन्तर्गत ग्राहकहरुले हिरो मोटरसाइकल खरिद गर्दा रु. ७ हजारसम्मको आकर्षक नगद छुट,प्र्रत्येक हप्ताको साप्ताहिक लक्की ड्र मार्फत रु. २५ हजारको नगद पुरस्कार जित्ने अवसर पनि उपलब्ध हुने कम्पनीले जनाएको छ । यस अफर अन्तर्गत ग्राहकहरुका लागि बाइक खरिद प्रक्रिया थप सहज बनाउने सोचका साथ सहज फाइनान्स सुविधा उपलब्ध गराइने जनाइएको छ । उपभोक्ताहरुले न्यून ब्याजदरमा सजिलो किस्ता बन्दीमा मोटरसाइकल खरिद गर्न सक्ने जनाइएको छ ।
