धनगढी । नेपाली कांग्रेस संस्थापन इतर पक्षले १५औँ महाधिवेशनको तालिका अनुसार विभिन्न तहका अधिवेशनहरू अघि बढाएको छ । यसै क्रममा सो पक्षको आज धनगढी उपमहानगरपालिकाको नगर अधिवेशन सुरु भएको छ ।
अधिवेशनमा संस्थापन इतर पक्षका केन्द्रीय सदस्य नृपबहादुर वड,कैलाली जिल्ला सभापति नारायणदत्त भट्टलगायतका नेताहरुको उपस्थिति रहेको छ । अधिवेशनबाट नयाँ नगर नेतृत्व चयन हुने जनाइएको छ ।
संस्थापन पक्ष र संस्थापन इतर पक्षबीच अलग–अलग समय तालिका अनुसार वडा, पालिका तथा नगर अधिवेशनका गतिविधिहरू भइरहेका छन् ।
संस्थापन इतर समूहले पनि १५औँ महाधिवेशन आगामी मङ्सिर २१ देखि २३ गतेका लागि तोेकेको छ । सोहीअनुसार नै असोज १५ गतेबाट वडाअधिवेशन सुरु गरेको यस समूहले असोज २० गते पालिका, असोज २३ गते प्रदेशसभा निर्वाचन क्षेत्रीय र मङ्सिर ४ गते प्रदेश अधिवेशन सम्पन्न गर्ने कार्यतालिका सार्वजनिक गरेको छ ।
