धनगढी । कैलालीमा भन्सार छ्लीको सामान बरामद गरिएको छ ।
आइतबार जिल्लाको धनगढी उपमहानगरपालिका –३ सिसापोष्ट, टीकापुर नगरपालिका- ४ वाणीपुल र भजनी नगरपालिका-९ पहलवानबाट अवैध रुपमा भारतबाट भन्सार छली गरि ल्याएका अन्दाजी रु. २ लाख ४५ हजार २ सय बराबरको सामान बरामद गरिएको सुदूरपश्चिम प्रदेश प्रहरी कार्यालय धनगढीले जनाएको छ ।
उक्त मूल्यको चिनी, चकलेट, पानीपुरी, सेरवानी सेट, टप्स, प्लाजु सेट, बच्चाको लेहेङ्गा, अण्डर ट्राउजर, दीपावली लाईट(झाल्लर लाईट), टेन्टको माथीको कपडा, प्लास्टिक झोला, स्पाईट, छिद्रा माछा लगायतका सामानहरु जिल्ला प्रहरी कार्यालय कैलाली तथा मातहत कार्यालयहरुबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएको जनाइएको छ ।
