काठमाडौं । सर्वोच्च अदालतले रेशम चौधरीलाई तत्काल थुनामुक्त गरिदिन पत्र लेखेको छ । सर्वोच्चले यसअघि रेशमलाई थुनामा पठाउने पत्र आधिकारिक पत्र नरहेको बताएको छ । रेशमलाई सर्वोच्चको पत्रका आधारमा सादा पोशाकका प्रहरीले आज पक्राउ गरेका थिए । पक्राउ गरी थुनामा पठाउन भनी सर्वोच्च प्रशासनका शाखा अधिकृत महिमानसिंह विष्टको हस्ताक्षर भएको पत्र बाहिरिएको थियो ।

‘यस अदालतको मुद्दा तथा रिट महाशाखा उल्लेख भई च.नं.१९२७७, मिती २०८२ । १ । १७ मा कैदमा राख्न पठाईएको सम्बन्धमा भन्ने विषयमा श्री कारागार कार्यालय डिल्लीबजारका नाममा लेखिएको पत्र यस अदालतको आधिकारीक पत्र नभएको हुँदा उक्त पत्र कार्यान्वयन नगरी उक्त पत्र बमोजिम कैलाली जिल्ला साविक दुर्गौली गाविस वडा नं. ८ हाल जानकी गाँउपालिका वडा नं ६ घर भएका लालविर चौधरीको छोरा रेशमलाल चौधरी पक्राउ परेको भए तत्काल कैद र थुनामुक्त गरिदिनुहुन अनुरोध छ,’– सह–रजिष्ट्रार अच्युत कुइकेलबाट जारी पत्रमा भनिएको छ ।