धनगढी- नेपाल विद्यार्थी संघ (नेविसंघ) को दुर्गालक्ष्मी बहुमुखी क्याम्पस ईकाई सभापतिमा देवराज ओझा चयन भएका छन् । आईतबार बसेको नेविसंघ कार्यसमितिको बैठकले ओझालाई सर्वसम्मत रुपमा सभापतिमा चयन गरेको हो । नेविसंघको ईकाई सभापतिमा चयन भएका ओझाको सोमबार पदस्थापन गरिएको छ । ईकाई सभापति ओझाको सभापतित्वमा आयोजित पदस्थान कार्यक्रमका प्रमुख अतिथि नेपाली कांग्रेसका जिल्ला सचिव केशवबहादुर मिश्र रहेका थिए ।
कार्यक्रममा बोल्दै उनले नेविसंघले विद्यार्थीहरुको हकहितका लागी आवाज उठाउदै आएको बताए । उनले दुर्गालक्ष्मीको भौतिक विकाशका लागी पनि नेविसंघले महत्वपुर्ण भुमिका निर्वाह गरेको बताए । त्रिभुवन विश्वविद्यालय अन्र्तगत रहेको क्याम्पसलाई सुदूरपश्चिम क्याम्पसको आंगिक क्याम्पसका रुपमा सञ्चालीत गर्न पनि नेविसंघको विशेष पहल रहेको उनले बताए ।
पछिल्लो समय विद्यार्थीहरु बाहिर पलायन हुने अवस्था रहेको बताउदै उनले उक्त अवस्थाको अन्त्य गर्न आगामी दिनमा विद्यार्थीहरु नै जागरुक हुनुपर्ने बताए । उनले स्ववियुलाई शैक्षिक आन्दोलनको मजबुत कडीका रुपमा उठान गर्नुपर्ने समेत बताए ।
नेविसंघका ईकाई सभापति देवराज ओझाले आफ्नो काधँमा नेविसंघलाई माथि उकास्ने जिम्मेवारी थपिएको बताए । उनले आफुले नेविसंघलाई अग्रपंतीमा ल्याउन विभिन्न योजनाहरु ल्याउने समेत बताए ।
‘यो जिम्मेवारी मैले पाएको छु, मेरो अग्रजहरुलाई धन्यवाद दिन चाहन्छु’ उनले भने ‘मैले यसको अग्रपंतीमा रहदै गर्दा नजिकिदै गएको स्ववियु निर्वाचनलाई ध्यान दिएको छु, त्यसमा मेरो संस्थाका उम्मेदवारलाई कसरी विजयी बनाउने भन्ने तिर लागेको छु ।’ उनले स्ववियु निर्वाचन पश्चात विद्यार्थीहरुलाई नेविसंघमा आवद्ध गर्नका लागी विभिन्न शैक्षिक गतिविधिहरु क्याम्पसमा सञ्चालन गर्ने बताए । कार्यक्रममा नेविसंघका विभिन्न नेता कार्यकर्ताहरुको सहभागीता रहेको थियो ।
