दार्चुला- दार्चुलामा १९ वर्षीया युवतीलाई जबरजस्ती करणी गरेको आरोपमा ३६ बर्षिय पुरुष पक्राउ परेका छन् । जिल्लाको दुहुँ गाउँपालिका–४ चिनचिरी बस्ने वर्ष ३६ का इन्द्रबहादुर बमलाई १९ वर्षीया युवतीलाई जबरजस्ती करणी गरेको आरोपमा पक्राउ गरेको जिल्ला प्रहरी कार्यालय दार्चुलाले जनाएको छ।
फागुन २६ गते राति घरमै आएर युवतीलाई बलात्कार गरेको भन्दै पीडित पक्षले उजुरी दिएपछि आरोपितलाई फागुन २७ गते पक्राउ गरेको जिल्ला प्रहरी कार्यालय दार्चुलाका प्रहरी निरीक्षक एवम् सूचना अधिकारी जगतगाहा मगरले जानकारी दिए ।
पक्राउ परेका बममाथि अहिले जिल्ला अदालत दार्चुलाबाट सात दिनको म्याद थप गरी अनुसन्धान भइहरेको प्रहरी निरीक्षक मगरले बताए । आरोपित विरुद्ध जबरजस्ती करणी अन्तर्गत मुद्दा समेत दर्ता गरिएको छ ।
१९ वर्षिया युवतीको घरमा कोही नभएको बेला आरोपितले रातिको समयमा घरमै गएर जबरजस्ती करणी गरेको पिडित पक्षले बताएका छन् । पीडीत युवतीको जिल्ला अस्पताल दार्चुलामा स्वास्थ्य परीक्षण गरिएको जिल्ला प्रहरी कार्यालय जनाएको छ ।
