धनगढी- सुदूरपश्चिम प्रदेशका सामाजिक विकास मन्त्री झपड साउँदले यौन लैगिङक अल्पसङ्ख्या समुदायका समस्याहरूलाई प्रदेश सरकारले नीति तथा कार्यक्रममा समेटेको बताएका छन् ।
बिलियु डाइमण्ड सोसाइटी र सुदूरपश्चिम समाजले धनगढीमा बिहीबार आयोजना गरेको स्थानीय सरकारसँग नीतिगत संवाद कार्याक्रमा मन्त्री साउदले यौन लैगिक अल्पसङ्ख्या समुदायका समस्याहरूलाई नीति तथा कार्यक्रममा समेटेर बजेट समेत विनियोजन गरेको बताएका हुन् ।
यस्ता समुदायका मानिसहरूलाई समाजमा हुने मतभेद लगायत समाजले हेर्ने दृष्टिकोण नै फरक भएकाले यसलाई चिर्न आवश्यक रहेको उनले बताए । संविधानमा हक अधिकारहरू भए पनि त्यसको पूर्ण पालना हुन नसक्दा अझै पनि यस्ता समुदायका मानिसहरू पिछडिएको मन्त्री साउदको भनाइ छ ।
लैङ्गिक अल्पसंख्यकका समस्या समाधानका लागि प्रदेश सरकार समन्वय र सहकार्य गर्न तयार रहेको मन्त्री साउदले बताए । कार्यक्रममा सहभागी सरोकारवालाहरूले यौन लैगिक अल्पसङ्ख्या भएका मानिसहरूलाई सामाजिक सुरक्षा दिन आवश्यक रहेको बताएका छन् ।सरकारले बनाउने नीति तथा कार्यक्रममा पनि पहुँचका आधारमा भएकाले अल्पसङ्ख्या समुदायहरू पछाडि परेको उनीहरूको तर्क छ ।
नीति तथा कार्यक्रममा लैगिक अल्पसङ्ख्या समुदायलाई समेटिएको र बजेट समेत विनियोजन गरिएको सरोकारवालाहरूको दाबी छ ।
२०७८को जनगणना अनुसार सुदूरपश्चिममा १९८ जना यौन लैगिक अल्पसङ्ख्या समुदायका मानिसहरू रहेका छन् । जसको ६।८ प्रतिशत रहेका छन् । कार्यक्रम बिलियु डाइमण्ड सोसाइटीकी अध्यक्ष पिकी गुरुङको अध्यक्षतामा भएको थियो ।
