कञ्चनपुर- कञ्चनपुरबाट दुई जना फरार कसुरदार पक्राउ परेका छन । अवैध वन पैदावार ओसारपसार मुद्दा र कुटपिट मुद्दामा अदालतबाट सजाय तोकेर फरार भएका दुई कसुरदार पक्राउ परेका हुन ।
पक्राउ पर्नेमा लालझाडि गाउँपालिका – ३ का समिर भन्ने राम भरोसे राना र लालझाडी गाउँपालिका – ४ बस्ने चेतराम राना रहेका जिल्ला प्रहरी कार्यालय कञ्चनपुरले जनाएको छ ।
भरोसे रानालाइ कञ्चनपुर जिल्ला अदालतको मिति २०७६ माघ १५ गते अवैध वन पैदावार ओसार पसार मुद्दामा ५ महिना २६ दिन कैद र ३४ हजार ३४० जरिवाना तोकेको थियो ।
यस्तै चेतराम रानालाई कञ्चनपुर जिल्ला अदालतको २०७७ पुस १२ गते कुटपिट मुद्दामा पाँच हजार जरिवाना तोकेको थियो । दुवैजनालाई जिल्ला प्रहरी कार्यालयबाट खटिएको प्रहरी टोलीले घरबाटै पक्राउ गरेको हो ।
पक्राउ परेका दुवै जनालाइ कञ्चनपुर जिल्ला अदालतमा पेश गरेर कारागार चलान गरिएको प्रहरीले जनाएको छ । दुवै जनालाई जरिवाना रकम तिर्न नसक्दा कारागार चलान गरिएको हो ।
