बझाङ- बझाङमा एक फेन्सी पसलमा आगलागी भएको छ। जिल्लाको जयपृथ्वी नगरपालिका– १० स्थित चैनपुर बजारमा कैलास फेन्सी पसलमा आइतवार आगलागी भएको प्रहरीले जनाएको छ।
जयपृथ्वी नगरपालिका–१ का डबलबहादुर खड्काले सञ्चालन गरेको कैलास फेन्सी पसलमा शनिवार राति साढे तीन बजेको समयमा विद्युत् सर्ट भई आगलागी भएको हो।
आगलागीबाट पसलभित्र रहेको अन्दाजी ५० लाख मूल्य बराबरको लुगाकपडा जलेर नष्ट भएको छ। आगलागीबाट मानवीय क्षती भने नभएको प्रहरीले जनाएको छ। आगलागी भएको स्थानीयले देखेर पसल संन्चालक लाइ खबर गरेर पछि आगो नियन्त्रण लिएको थियो।
