सुखड- सुखड सरकारले आगामी मङ्सिर ४ गते प्रतिनिधि सभा र प्रदेश सभाको निर्वाचनको मिति तोकेको छ । निर्वाचनको मिति तोकिएसंगै दलहरु आन्तरिक जोडघटाउमा लागेका छन् ।
यसत्ता गठबन्धनका दल नेपाली काँग्रेस, नेकपा माओवादी केन्द्र र एकीकृत समाजवादीका नेताहरूले निर्वाचन क्षेत्र–३ आफूले पाउनु भन्दै लबिङ गर्न थालेका छन् ।
सत्ता गठबन्धन दलहरुबीच निर्वाचन क्षेत्र भागबण्डा गर्न बाँकी भएपनि नेपाली काँग्रेस कैलालीका उपसभापति भीम बडुवालले आफ्नो निर्वाचन क्षेत्र कैलालीको क्षेत्र नम्बर ३ बाट उम्मेदवारी घोषणा गरिसकेका छन् । उनले क्षेत्र नम्बर–३ मा आफ्नो दाबेदारी प्रस्तुत गर्दै उम्मेदवारी घोषणा गरेका हुन् । उनी आफ्ना समकालीन राजनीतिकर्मीहरू भन्दा बढी लोकप्रिय बलिया उम्मेदवार पनि हुन् ।
उनले स्थानीय तहको चुनावीको अभियानमा महत्त्वपूर्ण भूमिका निर्वाह गरेका थिए । स्थानीय चुनावमा उनकै कारण घोडाघोडी नगरपालिकामा कांग्रेसले १२ वडामध्ये ९ वडा र उपमेयर जितेको थियो । सहकारीका माध्यमबाट जनताका माझ लोकप्रिय बनेका उनी लामो समयदेखि सामाजिक कार्यमा पनि सक्रिय छन् । बडूवालले वि. स. २०६७ सालमा घोडाघोडी ग्रामीण विद्युत् सहकारी संस्थाको अध्यक्ष भएर साबिक साडेपानी, दरख, रामशिखरझाला, मसुरीया र उदासीपुरका करिब १० हजार घरधुरीलाई विद्युतको पहुँचमा पु¥याई अँध्यारो मुक्त बस्ती बनाउन महत्त्वपूर्ण भूमिका उनले खेलेका छन् ।
समाज र राजनीतिक राम्रोसँग बुझ्नु भएका बडूवालले त्रिचन्द्र क्याम्पस काठमाडौँबाट बिए, त्रिभुवन विश्वविद्यालयबाट राजनीति शास्त्रमा स्नातकोत्तर र नेपाल ल क्याम्पसबाट कानुनमा एल.एल.बि समेत गरेका छन् । उनलाई युवा, बुद्धिजीवी, व्यवसायीहरू लगायत विभिन्न नेताहरूको साथ रहेको छ । उपसभापति बडूवाल काँग्रेसको सङ्गठन बलियो बनाउन अहोरात्र खटेका छन् । यस क्षेत्रमा एमाले, माओवादी पहिले जस्तो एक ढिक्का नभएका कारण चुनाव जित्न सजिलो हुने बुझिन्छ ।
उनले टिकट पाउँदा अन्य पार्टीलाई चुनाव जित्न सजिलो छैन । आफ्नो क्षेत्रमा बडूवालको राम्रो जनलहर बढेको पाइन्छ । उनलाई किनारा लगाउनु भनेको काँग्रेसकै लागि घातक हुने कति नेताहरूको भनाई छ । बाहिरबाट उम्मेदवार ल्याएर चुनाव लडाउनु भन्दा यस क्षेत्रका भीम बहादुर बडूवाललाई टिकट दिएर अगाडि सार्न स्थानीयहरूको माग रहेको छ ।
यस क्षेत्रका तमाम दीर्घकालीन र अल्पकालीन विकासका मुद्धाहरुमा काम गर्ने नेताका रूपमा उनलाई लिने गरिन्छ । अहिले कैलालीका निर्वाचन क्षेत्र नम्बर ३ अन्तर्गत घोडाघोडी नगरपालिका गठबन्धनका उम्मेदवार, कैलारी गाउँपालिका नेपाली काँग्रेस र भजनी नगरपालिका नागरिक उन्मुक्ति पार्टीले जितेको छ ।
वामपन्थी तालमेल हुँदा २०७४ सालको प्रतिनिधि सभा निर्वाचनमा कैलाली ३ माओवादीको भागमा परेको थियो । माओवादीका गौरीशङ्कर चौधरी काँग्रेसका रामजनम चौधरीलाई पराजित गर्दै विजयी भएका थिए । गौरीशङ्करले २४ हजार ८ सय ६२ मत प्राप्त गर्दा नेपाली काँग्रेसका राम जनमले २० हजार ३ सय ५५ मत पाएका थिए ।
नेकपा विभाजनसँगै चौधरी लेखराज भट्टसँगै एमाले कित्तामा उभिए । माओवादीको कारवाहीमा परेपछि सांसद पद गौरीशङ्करले गुमाएका थिए । यसले गर्दा अन्य पार्टीको कमजोर सङ्गठन भएका कारण निर्वाचनमा बाजी मार्न सहज हुने नेपाली काँग्रेस स्थानीय नेता कार्यकर्ताहरू बताउँछन् ।
