कञ्चनपुर- कञ्चनपुरबाट सात लाख ३२ हजार मूल्यको अवैध सामान बरामद गरिएको छ। मंगलबार वडा प्रहरी कार्यालय महेन्द्रनगरबाट खटिएको प्रहरी टोलीले करिब पाँच लाख ९० हजार, इलाका प्रहरी कार्यालय गड्डाचौकीबाट खटिएको प्रहरी टोलीले करिब एक लाख ३८ हजार र इलाका प्रहरी कार्यालय दोधाराबाट खटिएको प्रहरी टोलीले करिब चार हजार गरी करिब ७ लाख ३२ हजार मूल्यको सामान बरामद गरिएको हो।
एक थान मोटरसाइकल टी–सर्ट, लेडिज सुट, कोरा कपडा, कीटनाशक औषधी, चिनी, पेय पदार्थ लगायतका अवैध सामान प्रहरीले नियन्त्रणमा लिएको हो।
