कैलाली- काम गरे के हुन्न र ? भारतबाट आएका भारतीयले नेपाली भूमीको प्रयोग गर्दै आम्दानी गर्न थालेका छन ।
भारतको किच्छा रुद्रपुरका किसान कुण्डु अलीले धनगढी उपमहानगरपालिका–७ बेलीको खुटिया नदिको बगरमा तरकारी खेती गरेर आम्दानी गर्न थालेका हुन ।

उनले तरकारी खेतीबाट दुई छोरा÷छोरीको पढाइलेखाइ सँगै पैसा जम्मा पनि गर्ने गरेको बताए । ‘खान लाउन राम्रै पुग्छ केही रुपैया बचाउँछु’, उनले भने ‘आज भोलि आर्थिक मन्दीका कारण तरकारी बिक्रीमा कमी आएको छ ।’ ‘पहिलाको जस्तो कमाई छैन तरकारीबाटै सिजनमा दुईदेखि अढाइ लाख बच्ने गरेको थियो । ’ उनले भने ‘अहिले कमाइ त्यस्तो छैन ।’

नेपाली बजारमा उत्पादन भएको तरकारी भन्दा भारतबाट आउने तरकारीका कारण बजार धोस्त हुने गरेको उनको भनाइ छ ।
‘भारतबाट जबसम्म यहाँ तरकारी आउँदैन तबसम्म टमाटर क्यारेटको ६ सयमा बिक्री हुन्छ’ उनले भने ‘भारतबाट तरकारी यहाँ आउँछ हामीले उत्पादन गरेको टमाटरको मूल्य घटेर क्यारेटको २ सय ५० हुन्छ । हामी यही बस्छाँै जग्गा भाडामा लिइ घर बनाएका छौँ । सिजनमा तरकारी खेती गर्छाँै । बेसिजनमा अन्त गएर काम गर्छौ ।’

अर्का किसान फेज खानले आफैले उत्पादन गरेको तरकारी बिक्री गर्ने गरेको बताए । उनले दिनको दुई हजार पाँच सयको बिक्री हुने गरेको बताए । उनले भारतको हल्द्वानीबाट तरकारी खेती गर्न यहाँ आएको बताए । ‘फाइदा किन नहुनु हुन्छ । काम गरेपछि फाइदा त भईहाल्छनी’, उनले भने । ‘हामी यहाँ १८ परिवार छौँ । १२ बर्षदेखि तरकारी खेती गर्दै आएका छौँ । यो खुटिया बगर हो’, उनले भने ‘बाढी आएमात्र घाटा हुन्छ नभए आम्दानी राम्रै हुन्छ ।’ तरकारी खती गरे बाफत टोल समितिलाई बार्षिक २५ हजार भाडा दिने गरेको उनले बताए ।