कैलाली- आर्थिक बर्ष २०८०÷८१ मा नापी कार्यालय कैलालीले रु. ६१ लाख ५६ हजार ६ सय ९९ राजश्व सङ्कलन गरेको छ ।

कित्ता एकीकरण,फिल्ड रेखाङ्कन,नक्सा प्रिन्ट,क्षेत्रीय कित्ता उतार बाफत लाग्ने दस्तुरबाट नापीले सो रकम असुल गरेको हो । नापीले मालपोतबाट आएको लिखतलाई प्राविधिक सहयोग गर्ने गर्दछ कार्यालयका सूचना अधिकृत दीर्घराज पाण्डेले भने ‘नापीको महत्वपूर्ण काम नक्सा प्रिन्ट गर्ने हो ।’

उनले २०८१ को जेठ मसान्तसम्म नापीले २३ हजार ९ सय ७४ नक्सा प्रिन्ट भएको बताए । जग्गा धनीका दुईबढी कित्ता छन भने एकिकरण गर्ने ,नक्सा बमोजिमको दुरीलार्इृ अंकित गर्ने काम पनि नापीबाट हुने गरेको उनको भनाई छ ।