काठमाडौं । काठमाडौं महानगरपालिका-३ महाराजगंजस्थित सडकमा बा.१३ च ६२८५ नम्बर बोलेरो गाडी, बा २ ख ६७२९ नम्बरको बस र बा.१८ प ४७८२ नम्बरको मोटरसाइकल एकआपसमा ठक्कर खाई दुर्घटना हुँदा मोटरसाइकल चालक उदयपुर घर भई काठमाडौं बुढानिलकण्ठ पासीकोट बस्ने ५४ वर्षीय पदम बहादुर तामाङको मृत्यु भएको छ ।
दुर्घटनामा गम्भीर घाइते भएका उनको शिक्षण अस्पताल महाराजगंजमा उपचारको क्रममा मृत्यु भएको हो । प्रहरीले बस चालकलाई नियन्त्रणमा लिई हाल फरार बोलेरो गाडी चालकको खोजी गरिरहेको छ ।
दाङ, घोराही उपमहानगरपालिका-१० गुर्जेखोलास्थित सडकमा रा.१ ख ८१६ नम्बरको बसले रा.५ प ६६५४ नम्बरको मोटरसाइकललाई शुक्रबार दिउँसो ठक्कर दिँदा मोटरसाइकल चालक घोराही उपमहानगरपालिका-१० बस्ने ४४ वर्षीय दिलिप केसीको मृत्यु भएको छ ।

दुर्घटनामा गम्भीर घाइते भएका उनको राप्ती स्वास्थ्य बिज्ञान प्रतिष्ठान घोराहीमा उपचारको क्रममा मृत्यु भएको हो । साथै दुर्घटनामा घाइते भएका बसमा सवार ५ जनामध्ये ४ जनाको सोही अस्पतालमा उपचार भइरहेको छ भने १ जना थप उपचारकोलागि नर्सिङ होम नेपालगंज बाँके रिफर गरिएको छ । बस चालकलाई प्रहरीले नियन्त्रणमा लिएको छ ।
कपिलवस्तु, महाराजगंज नगरपालिका-१ औरहवास्थित सडकमा औरहवाबाट शंकरपुरतर्फ जाँदै गरेको लु.४ प ५६८४ नम्बरको मोटरसाइकल अनियन्त्रित भई शुक्रबार राति दुर्घटना हुँदा चालक सोही नगरपालिका-४ बर्गदहवा बरईपुर बस्ने २२ वर्षीय रामऔतार मुराउको मृत्यु भएको छ । दुर्घटनामा गम्भीर घाइते भएका उनको जिल्ला अस्पताल तौलिहवामा उपचारको क्रममा मृत्यु भएको हो ।

धनुषा, क्षिरेश्वरनाथ नगरपालिका-२ रमदैयाभवाडीस्थित सडकमा रमदैयाभवाडीबाट जानकी मेडिकल कलेजतर्फ जाँदै गरेको अन टेष्ट लेखिएको मोटरसाइकलले पैदलयात्रीलाई ठक्कर दिई अनियन्त्रित भई ना.७ त ६४४९ नम्बरको ट्याक्टरको ट्रालीमा ठक्कर खाई शुक्रबार बेलुकी दुर्घटना हुँदा मोटरसाइकलमा सवार क्षिरेश्वरनाथ नगरपालिका-१ रमदैया बस्ने १८ वर्षीय जय प्रकाश यादवको मृत्यु भएको छ ।

दुर्घटनामा गम्भीर घाइते भएका उनको जानकी मेडिकल कलेज रमदैयामा उपचारको क्रममा मृत्यु भएको हो । साथै दुर्घटनामा घाइते भएका पैदलयात्रीको सोही अस्पतालमा उपचार भइरहेको छ । मोटरसाइकलमा सवार १ जनालाई प्रहरीले नियन्त्रणमा लिई हाल फरार
ट्याक्टर चालकको प्रहरीले खोजी गरिरहेको छ ।
बाँके, जानकी गाउँपालिका-३ मानपुरस्थित सडकमा नेपालगंजबाट खजुरातर्फ जाँदै गरेको भे.७ प ५३९ नम्बरको मोटरसाइकल अनियन्त्रित भई शुक्रबार राति दुर्घटना हुँदा चालक खजुरा गाउँपालिका-३ बस्ने २६ वर्षीय बिनय शाही ठकुरीको मृत्यु भएको छ ।

दुर्घटनामा गम्भीर घाइते भएका उनको भेरी अस्पताल नेपालगंजमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार अन्य २ जना उपचार पश्चात डिस्चार्ज भएका छन् । दुर्घटनाका सम्बन्धममा प्रहरीले आवश्यक अनुसन्धान गरिरहेको छ ।