धनगढी । कैलालीबाट भन्सार छलीका सामान बरामद गरिएको छ । जिल्लाका विभिन्न स्थानबाट शुक्रबार भन्सार छ्लीका सामान बरामद गरिएको हो ।
जिल्लाको धनगढी उपमहानगरपालिका–९ बङग्राकटान, भजनी नगरपालिका–३ काँडा पुल नजिक, टीकापुर नगरपालिका–९ बालुवाटार र जोशीपुर गाउँपालिका–३ लक्कडबाट अवैध रुपमा भारतबाट भन्सार छली गरि ल्याएका अन्दाजी मूल्य ९८ हजार ५ सय बराबरको सामान नियन्त्रणमा लिइएको प्रहरीले जनाएको छ ।
उक्त मूल्य बराबरका भन्सार प्याज, चिनी, सरप, बिडी, सुर्ती, मोजा, पाल, बिषादी, सिद्रा माछा लगायतका सामान जिल्ला प्रहरी कार्यालय कैलालीबाट खटिएको प्रहरी गस्ती टोलीले बेवारिसे अवस्थामा फेला पारी नियन्त्रणमा लिएको जनाइएको छ ।
