धनगढी । नेपाल आदिवासी जनजाति महासंघ (फोनिज) को कैलाली जिल्ला शाखाको पाँचौं अधिवेशनले रामबहादुर दहितको अध्यक्षतामा नयाँ कार्यसमिति चयन गरेको छ ।
फोनिज कैलालीको शनिबार धनगढीमा सम्पन्न जिल्ला अधिवेशनले यस अघिको कार्यकालमा समेत अध्यक्ष रहेका दहितको अध्यक्षमै र सागर कुश्मीलाई सचिवमै यथावत राखी नयाँ कार्यसमिति चयन गरेको हो ।
अधिवेशनबाट फोनिज कैलालीको उपाध्यक्षमा अनिता चौधरी, सहसचिवमा जीवनलाल डगौरा, कोषध्यक्षमा सन्तोष राना र सदस्यहरुमा कालुराम चौधरी, दशीराम चौधरी, सरस्वती राना, शेरबहादुर चौधरी, जीवन चौधरी, ज्ञानु राना, अर्जुन कठरिया र निर्मला चौधरीलाई चयन गरेको छ ।
फोनिजको सुदूरपश्चिम प्रदेश परिषद् सदस्यमा रतनलाल चौधरी, गीता चौधरी, दिलबहादुर चौधरी, छपिलाल चौधरी, दिनेश राना, प्रेमलाल चौधरी, ठागुराम कठरिया, रामप्रसाद चौधरी, स्वरुप चौधरी र दिनेश दहित चयन भएका छन् ।
अधिवेशनबाट फोनिज केन्द्रीय परिषद् सदस्यमा पहुरा दैनिकका सम्पादक प्रेम चौधरी, गोरखा पत्र दैनिकका सम्वाददाता अविनाश चौधरी, कारोबार दैनिकका सम्बाददाता मुकेश टेंर्रा, केर्नी न्युज डट कमका सम्पादक कालीमैया चौधरी (उन्नती) र रातोपार्टी डट कमका सम्वाददाता रामलखन चौधरीलाई चयन गरेको छ ।
आदिवासी जनजाति पत्रकारको हकअधिकार तथा पेशागत सुरक्षाको विषयमा पैरवी गर्दै आएको फोनिजले सञ्चार, कानुन र व्यवहारमा समेत समावेशिताका लागि अभियान चलाएको छ ।
