धनगढी । कैलालीको टीकापुरबाट लागूऔषधसहित एक जना पक्राउ परेका छन् ।
शनिबार साँझ इलाका प्रहरी कार्यालय टीकापुरबाट खटिएको प्रहरी टोलीले टीकापुर नगरपालिका–९ बालुवाटार स्थित सडक खण्डमा चालक जानकी गाउँपालिका–९ पुर्व खैरीफाँटाका २० वर्षीय निरज जैसीलाई लागुऔषधसहित पक्राउ गरेको हो ।
उनले चलाएको से ६ प ९०६३ नम्बरको मोटर साइकललाई चेकजाँच गर्दा मोटरसाइकलको पछाडिको दुबै साइडको इन्डिकेटरभित्र लुकाई राखेको ७ ग्राम २६० मिलिग्राम लागुऔषध फेला परेको प्रहरीले जनाएको छ। उनलाई इलाका प्रहरी कार्यालय टीकापुरको हिरासतमा राखेर थप अनुसन्धान भइरहेको जनाइएको छ ।
