२०४६ सालदेखि नेकपा एमालेमा आवद्ध , जिल्ला कमिटी अछाम सदस्य ,जिल्ला उपाध्यक्ष,अञ्चल समन्वय कमिटी सदस्य,प्रदेशको अनुशासन आोगको सदस्य भएर काम गरिसकेका कुवरले , २०७४ सालको निर्वाचनमा निर्वाचित प्रदेशसभा सदस्य र आर्थिक मामिला तथा प्राकृतिक स्रोत समितिको सभापतिरहेर काम गरेको अनुभव छ ।

हाल नेकपा एमाले पार्टीको केन्द्रीय अनुशासन आयोगको सदस्य समेत रहेका हर्कबहादुर कँवर( गोबिन्द )संग नेकपा एमालेका पूर्व उपाध्यक्ष भीम रावललाई पार्टीले कार्बाही गरेपछिको अवस्थाको बिषयमा निशाना न्युजले गरेको कुराकानी प्रस्तुत गरिएको छ ।

एमालेले पार्टीका प्रभावशाली नेता भीम रावललाई कारबाही गरेसँगै उहाँले मातृभूमि जागरण अभियान नेपाल सञ्चालन गरिरहनुभएको छ । यसलाई तपाईले कसरी हेरिरहनुभएको छ ?

उहाँ (भीम रावल) विद्यार्थीकाल देखि लामो समय एमालेमा काम गर्दै आउनुभएको नेता हो । पिछडिएका जनताका पक्षमा,दमन,शोषणका विरुद्धमा उहाँले जनताको वहुदलीय जनवादअनुसार लामो समय देखि काम गरिरनुभएको नेता हो ।

अहिले पनि एमालेमा उहाँको आवश्यकता,खाँचो छ । उहाँ बुद्धिजीवी र राष्ट्रियतावादी नेता पनि हो । उहाँलाई एमालेले साधारण सदस्यबाट निकालेको छ त्यो आपत्तिजनक छ ।
यसले गर्दा एमाललेलाई धेरै क्षति हुन्छ । यो कुराले एमालेलाई राम्रो हुँदैन किनभने इतिहास बोकेका,लामो समय काम गरेका मान्छेसँग छलफल,वार्ता गर्ने गर्नु पथ्र्यौ । अन्तरद्धन्द्ध हुन सक्छ । कम्युनिष्ट पार्टीमा अन्तरद्धन्द्ध हुन सक्छ । अन्तरविरोधलाई समाधान गर्न हाम्रो नेतृत्वले सहजरुपमा स्विाकार गर्नु पथ्र्यो । उहाँलाई जिम्मेवादी दिएर पार्टीको काममा लगाउन सक्नुपथ्र्यो त्यो कमजोरी रह्यो । अहिले पनि उहाँलाई पार्टीबाट निष्काशन गरेकोमा नेपाली जनताको आपत्ति छ । त्यसबाट एमालेलाई झन बढी नैतिक नोक्सान भइरहेको नेपाली जनता,बुद्धिजीवी,राष्ट्रवादी मान्छेहरुले महसुुस गरिरहेका छन् । नेकपा एमालेको अहिलेको अवस्थाले जनताको मनस्थिति खस्किदै गएको अवस्था मैले भेटाउँछु ।

भीम रावलको अहिलेको यो अभियानले एमालेलाई क्षति हुन्छ त ?
उहाँले राष्ट्रिय जागरणको अभियान सुुरु गर्नु भएको रहेछ । उहाँ अहिले जागरण अभियानको क्रममा अछाम हुनुहुन्छ । त्यहाँ उहाँलाई उहाँका समर्थकले धेरै स्वागत गरेको समाचारमा देखिएको छ ।

सुदूरपश्चिम मात्रै नभएर देशभरीका जनताले भीम रावल अहिलेको आवश्यकता हो भनेर उहाँ जायज हो भनेर सञ्चार माध्यमबाट सुनिरहेका छौँ । उहाँका अभिव्यक्तिबाट पनि हामीले सुनेका छौँ । जनताको अभिव्यक्तिमा पनि त्यो भेटाइन्छ । उहाँ प्रतिको जनताको आकर्षण हेर्ने हो भने त्यत्तिकै थाह छनी । क्षेती नराम्रो संग हुन्छ ।

भीम रावलले नयाँ पार्टी खोल्दा प्रभाव त पर्लानी  ?
प्रभाव त देशभरी नै पर्छ । सुदूरपश्चिममा त झनै पर्छ । नेकपा एमालेलाई घाटा हुन्छ । किन भने उहाँ जस्तो प्रखर वक्ता जो सैद्धान्तिक किसिमले पनि जो संघर्षको दैरानमा उहाँले खेलेको भूमिका प्रति नेपाली जनताले आश गरिरहेको हामी सञ्चार माध्यमबाट सुनिरहेका छौँ । उहाँको अहिलेको जागरण अभियान लाई जनताले साथ दिन्छ ।

 रावलले पार्टी नै खोल्ने अवस्थामा पुगेपछि यहाँको भूमिका के रहन्छ ?
भूमिका मान्छेलाई परिस्थितिले डो¥याउने कुरा हो । एमाले भित्रको जुन अहिलेको संघर्ष छ । एमालेले बोल्न,लेख्न,भन्न नपाउने नीति अपनाएको छ । यो नीति अनुसार जनताका कुरा सुन्दा एमाले ओरालो लाग्यो कि के हो ? भन्ने कुरा भनिरहेका छन् । जहाँसम्म मेरो व्यक्तिगत कुरा छ परिस्थिति के गर्छ राष्ट्र र जनताका लागि जसले राम्रो काम गर्छ । परिस्थिति आयो भने  राम्रो काम गर्ने राष्ट्रियताको सवालमा,जनजीविकाको सवालमा,नेपाली जनताको भावना अनुसार काम गर्छ उहाँसँग सहकार्य नहोला त भन्न सकिदैन् ।