धनगढी । कञ्चनपुरमा एक किराना पसलमा आगलागी भएको छ ।
जिल्लाको बेदकोट नगरपालिका–३ दैजी चोकमा वडा नं–१ बस्ने मदनराज भट्टले संचालन गरेको भट्ट किराना पसलमा बिद्युतको तार सर्ट भई गएराति १० बजे आगलागी भएको हो ।
आगलागी हुँदा पसल भित्र रहेका किराना लगायतका सामान जलेर नष्ट भएको र मानवीय क्षति नभएको सुदूरपश्चिम प्रदेश प्रहरी कार्यालय धनगढीले जनाएको छ ।
आगलागीबाट क्षतिको विवरण आउन बाँकी रहेको प्रहरीले जनाएको छ । प्रहरीले दमकलको सहयोगमा आगलागी नियन्त्रणमा लिइ आवश्यक अनुसन्धान गरिरहेको बताएको छ ।
