धनगढी उपमहानगरपालिकाका नगर प्रमुख गोमाल हमालले काठमाण्डौमा आयोजित सीप तथा रोजगार मेलाको अवलोकन गर्नुभयो । नेपालमा बेरोजागरी व्याप्त भईरहेका बेला काठमाडौमा आयोजित सो मेलाले उनको मन लोभ्यायो ।
मेयर हमालले धनगढीमा पनि रोजगार मेलाको आयोजना गरी युवायुवतीलाई सिपको माध्यमबाट दक्षजनशक्तिसंगै बेरोजगारी अन्त्य गर्न केही राहत प्रदान गर्न सकिन्छ भन्ने सोच बनाए । सोही अनुरुप धनगढी–१ को खुल्ला मञ्चमा सीप तथा रोजगार मेलाको आयोजना सुरु गरे ।

धनगढी उपमहानगरपालिकाको आयोजनामा आजभोली सुदुरपश्चिम प्रदेशको ९ वटै जिल्लाका ३९ पालिकाका १ हजार ४० जना युवायुवतीले ८ क्षेत्रका २९ विषयमा तालिम लिरहेका छन् । मेलाको यही फागुन ८ गते उद्योग,वाणिज्य तथा आपूर्ती मन्त्री दामोदर भण्डारीले उद्घाटन गरेका थिए । अहिले युवायुती सो मेलामा सिप सिक्न व्यस्त छन् । मेलाको आयोजना पश्चात तालिम लिँदै गरेका युवायुवतीसँग निशाना न्युजले प्रतिक्रिया लिएको छ ।

यशोदा भट्ट धनगढी ५ तारानगर
मलाई हेयरकटिङ स्टाईलिङ तालिम लिन साह्रै मन थियो । पैसा तिरेर सो तालिम लिने अवस्था थिएन । धनगढी उपमहानगरपलिकाको आयोजनामा सिप तथा रोजगार मेलाको आयोजना धनगढीमा हुँदै छ र मेलामा बिभिन्न विधाका तालिम दिइँदै भन्ने कुरा छिमेकी दिदीले भन्नुभयो ।
सोही अनुरुप धनगढी उपमहानगरपालिकामा जानकारी लियौं । निवेदन दर्ता गरी म छनौट भए । मेरो सिप सिक्ने चाहना धनगढी उपमहानगरपालिका र नगर प्रमुख गोपाल हमाल दाजुले पूरा गरेको छ । यहाँबाट सिप सिकेर गइ सकेपछि आफ्नै पसल संचालन गरी व्यापार गर्ने सोच बनाएकी छु । यस्तो मेला सधैंका वर्ष भईराखोस् हामी मात्र हैन पछिका पिढी पनि सिप सिकेर आत्मनिर्भर बनुन् ।

लक्ष्मीकुमारी पन्त धनगढी १३ राजपुर
म एड्भान्स ब्युटिसियन तालिम सिँक्दै छु । मेरो पहिल्यै देखिको चाहना यो तालिम सिक्ने थियो । चाहना मात्र भएर नपुग्दो रहेछ । आर्थिक अवस्था कम्जोर हुनुले सिप सिक्न पाउन सकिएको थिएन । धनगढी उपमहानगरपलिकाले रोजगार मेलाको आयोजना गरी मेरो सिप सिक्ने सपना पूरा गरेको प्रति धन्यवाद दिन चाहन्छु । सिप सिके पश्चात रोजगारी गर्ने सोच बनाएको छु । यदी रोजगार पाउन सकिएन भने पनि होम सर्भिस गर्ने लक्ष्य बनाएको छु ।

प्रिती पौडेल कञ्चनपुरको भीमदत्त नगरपालिका ८
म सधैं घरमा राखेको कम्प्युटर पसलमा सामान बिग्रेको देख्दा निराश हुन्थे । मैले सिप सिकेको भए मर्मत गर्थे भन्ने कुरा मनमा खेली रहन्थ्यो । धनगढीमा रोजगार मेलाको आयोजना हुँदैछ र त्यस्मा हार्डवयर तथा नेटवर्किङ दिने कुरा फेसबुकबाट जानकारी पाएँ । मैले धनगढी उपमहानगरपािलकालाई फोन मार्फत जानकारी लिए । जानकारी पश्चात निवेदन दर्ता गराए र म छनौट भए । अहिले म ध्यान पुर्वक तालिम लिँदैछु । यहाँबाट तालिम पश्चात सर्वप्रथम आफ्नो पसलमा रहेका विग्रेका कम्युटरको मर्मत गर्ने र पछि बाह्य क्षेत्रमा गएर सामान मर्मत गरी आत्मनिर्भर हुने सोच बनाएकी छु । सीप सिकेपछि स्वरोजगार भइने अवसर जुराई दिएकोप्रति धनगढी उपमहानगरपािलकाका नगरप्रमुख गोपाल सरलाई धन्यबाद दिन चाहन्छु ।

भूमि थापा धनगढी ५ तारानगर
म ग्राफिक डिजाईर्निङ तालिम सिँक्दै छु । धनगढी उपमहानगर तथा नगरप्रमुख गोपाल हमाल सरलाई धन्यवाद दिन चाहन्छु । पैंसाको अभावमा सीप सिक्ने चाहना हुँदाहुँदै पनि सिक्ने मौका दिएकोप्रति आभार व्यक्त गर्दछु । धनगढी उपमहानगरपािलकाले आयोजना गरेको सीप तथा रोजगार मेलाबाट आफूले सीप सिकेर गई सकेपछि आत्मनिर्भर बन्न व्यापार गर्ने सोच बनाएकी छु ।