काठमाडौं । दार्चुला, शैल्यशिखर नगरपालिका-४ काँडापारी बस्ने धर्मानन्द भट्टको घरमा बुधबार दिउँसो आगलागी हुँदा घर पूर्णरूपमा जलेर करिब ८ लाख रूपैयाँ बराबरको धनमाल नष्ट भएको छ ।
धादिङ, खनियाबास गाउँपालिका-२ झार्लाङ बस्ने मोहन तामाङको घरमा बुधबार राति आगलागी हुँदा करिब ४ लाख रूपैयाँ बराबरको धनमाल जलेर नष्ट भएको छ ।
झापा, बिर्तामोड नगरपालिका-२ चैतुबारी अम्बरदिप टोल बस्ने डम्बर प्रसाद तिम्सिनाको घरमा बुधबार साँझ आगलागी हुँदा अन्नपात, लत्ताकपडा, नगद, मोबाइल,भाँडावर्तन पूर्णरूपमा जलेर नष्ट भएको छ ।
मोरङ, रंगेली नगरपालिका-८ दर्बेशा बस्ने सुमरू उराउको भान्सा घरमा बिहीबार बिहान आगलागी हुँदा करिब १ लाख रूपैयाँ बराबरको धनमाल जलेर नष्ट भएको छ ।

प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।