धनगढी । कैलालीमा भन्सार छ्लीका सामान बरामद गरिएको छ ।
शुक्रबार जिल्लाको धनगढी उपमहानगरपालिका- ४ बसपार्क, गोदावरी नगरपालिका-४ बनदेवी मन्दिर, हनुमान मन्दिर र भजनी नगरपालिका-७ हिम्मतपुरबाट अवैध रुपमा भारतबाट भन्सार छली गरि ल्याएका अन्दाजी रु.२ लाख ४६ हजार ३०५ बराबरका सामान बरामद गरिएको प्रहरीले जनाएको छ ।
सुदूरपश्चिम प्रदेश प्रहरी कार्यालय धनगढीका अनुसार उक्त मूल्यका बिडी, गुट्खा, सुर्ती, लुगाधुने सोडा, लेडिज सुट, धोती, डाटा केवल, मोबाईलका कभर, मोबाईलका हाउजिङ लगायत अन्य बिद्युतीय सामाग्रीहरु जिल्ला प्रहरी कार्यालय कैलाली मातहत कार्यालयहरुबाट खटिएको प्रहरी गस्ती टोलीले वेवारिसे अवस्थामा फेला पारी नियन्त्रणमा लिएको हो ।
