धनगढी । कैलालीमा लागुऔषधसहित दुईजनालाई नियन्त्रणमा लिइएको छ ।
सोमबार बिहान जिल्ला धनगढी उप-महानगरपालिका-२ भन्सार नजिकबाट बा ६४ प ९३४२ नम्बरको मोटर साईकलमा सवार धनगढी उपमहानगरपालिका-१३ बस्ने दुई जना किशोरलाई ७ ग्राम ७२० मिलिग्राम लागुऔषध खैरो हेरोइन जस्तो देखिने धुलो पदार्थ सहित नियन्त्रणमा लिइएको सुदूरपश्चिम प्रदेश प्रहरी कार्यालय धनगढीले जनाएको छ ।
निजहरुलाई लागुऔषध नियन्त्रण ब्यूरो शाखा कार्यालय धनगढी , जिल्ला प्रहरी कार्यालय कैलाली र प्रहरी चौकी त्रिनगर कैलालीबाट खटिएको संयुक्त प्रहरी टोलीले नियन्त्रणमा लिएको जनाइएको छ । सो सम्बन्धमा थप अनुसन्धान भइरहेको प्रहरीले जनाएको छ ।
