धनगढी । कैलालीमा सवारी दुर्घटनामा परि एकजनाको मृत्यु भएको छ ।
मंगलबारको धनगढी उपमहानगरपालिका ८ क्याम्पस चोकस्थित सडकमा सु.प.प्र.०१-००२ त ४०१५ नं. को ट्याक्टर र सु.प.प्र.०१-०११ प ८७१७ नं.को मोटरसाईकल एक आपसमा ठोकिदा मोटरसाईकल चालक धनगढीउपमहानगरपालिका-८ धनगढीगाँउका ५५ वर्षीय सुन्दर चौधरीको मृत्यु भएको प्रहरीले जनाएको छ ।
सुदूरपश्चिम प्रदेश प्रहरी कार्यालय धनगढीका अनुसार दुर्घटनामा गम्भीर घाइते भएका चौधरीको धनगढीस्थित मायामेट्रो अस्पतालमा उपचारको क्रममा मृत्यु भएको हो ।
मोटरसाइकल, ट्याक्टर र ट्याक्टर चालक प्रहरीको नियन्त्रणमा रहेको जनाइएको छ ।
