अछाम । अछामको साँफेगरमा आज बिहान ३ :४५ बजे लागेको आँगोबाट १० पसल जलेर नष्ट भएको छ ।
साँफेबगर नगरपालिका वडा नं ३ स्थित हाटवजारमा सुवेच्छा होटलवाट विद्युत सर्ट भई सल्कीएको आगोले १० वटा पसल नष्ट भएका हुन् ।
६ बजेर ५ मिनेटमा स्थानीय, नेपाल प्रहरी, तथा सशस्त्र प्रहरीको सहयोगमा आगो नियन्त्रणमा लिएको जिल्ला प्रहरी कार्यालय अछामका डिएसपी ईश्वरी भण्डारीले निशाना न्युजलाई जानकारी दिए ।
तीव्र बेगका कारण क्षणभरमै सुवेच्छा होटलवाट आगो सल्किदै अन्य पसलमा आगो पुगेको उनले बताए ।
क्षेतीको विवरण अहिले संकलन भईरहेको उनले जानकारी दिए । आगलागीबाट भने पशु चौपाया तथा मानविय क्षति नभएको उनले बताए ।
