धनगढी । कैलालीमा लागुऔषधसहित दुई जना पक्राउ परेका छन् ।
शुक्रबार जिल्लाको धनगढी उपमहानगरपालिका–२ ब्यारेलस्थित भारतबाट नेपाल आउँदै गरेको अवस्थामा बैतडीको दशरथचन्द नगरपालिका–१ का २७ वर्षीय वीरेन्द्रसिंह भाटलाई ६६० मिलिग्राम लागुऔषध खैरो हेरोइन जस्तो देखिने धुलो पदार्थ सहित वडा प्रहरी कार्यालय धनगढी र लागुऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरी टोलीले नियन्त्रणमा लिएको प्रहरीले जनाएको छ ।
यसैगरी धनगढी उपमहानगरपालिका–२ भन्सार कार्यालय नजिकबाट डोटी जोरायल गाउँपालिका–१ गैराका २४ वर्षीय किरणबहादुर बिश्वकर्मालाई २ ग्राम १२० मिलिग्राम लागेऔषध खैरो हेरोइन जस्तो देखिने धुलो पदार्थसहित जिल्ला प्रहरी कार्यालय कैलालीबाट खटिएको प्रहरी टोलीले नियन्त्रणमा लिएको सुदूरपश्चिम प्रदेश प्रहरी कार्यालय धनगढीले जनाएको छ ।
