धनगढी । नेकपा माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल प्रचण्ड कैलाली पुगेका छन् ।
तराई-मधेस जागरण अभियानको क्रममा उनी आज कैलालीको टीकापुर आइपुगेका हुन् । टीकापुर नगरपालिकाको सत्ती कर्णाली पुलमा उनलाई भव्य स्वागत गरिएको छ । सयौँको संख्यामा त्यहाँ आइपुगेका माओवादी केन्द्रका नेता तथा कार्यकर्ताले अध्यक्ष प्रचण्डको स्वागत गरेका थिए ।
अभियान टोलीमा प्रचण्डसहित माओवादी केन्द्रका पदाधिकारीहरु समेत सहभागी छन् । सत्तीमा बास बसेको अभियान टोली भोलि कैलाली र कञ्चनपुरमा हुने विभिन्न कार्यक्रममा सहभागी हुने माओवादी केन्द्रले जनाएको छ । अभियान वैशाख १७ गते कञ्चनपुर पुगेर समापन हुने छ ।
