अस्ट्रेलिया । फार वेस्टर्न नेप्लीज एशोसियसन अफ वेस्टर्न अस्ट्रेलियाले गौरापर्व भव्यरुपमा मनाउने तयारी गरेको छ ।
यही ७ सेप्टेम्बर २०२५ आइतबारका दिन अस्टे्लियाको कार्निअप कम्युनिटी हल ,पर्थ मा सो गौरापर्व मनाउने तयारी गरेको हो । गौरापर्वको कार्यक्रममा चक्र बमको प्रस्तुती रहने फार वेस्टर्न नेप्लीज एशोसियसन अफ वेस्टर्न अस्ट्रेलियाका अध्यक्ष किशोर कुँवरले निशाना न्युजलाई जानकारी दिए ।
सो हलमा बेलुकी ५ बजे देखि राती १० बजे सम्म कार्यक्रम हुने उनले बताए । सो अबसरमा चक्र बमको नृत्य संगित तथा सामुदायिक भेटघाट रहने उनले बताए । सबैको सकृय सहभागिताले सांस्कृतिक सम्पदाको जगेर्ना गर्न महत्वपुर्ण आधार हुने पनि कुँवरको भनाई छ । कार्यक्रममा सम्पुर्ण समुदाय सदस्यहरुमा हार्दिक निमन्त्रणा गरेको उनले बताए ।
