धनगढी– हेर्दा टाठा, कलकलाउँदो उमेर तर दिनभरि धनगढीको चौराहामा जुता सिलाउन व्यस्त छन् एक बालक । पढाई गर्नु पर्ने उमेरमा वर्ष १५ का बालक रमेश सार्की आर्थिक समस्याकै कारण धनगढी चौराहामा जुता सिलाउन व्यस्त छन् । धनगढीउपमहानगरपालिका ३ बिशालनगर घर भाडामा बस्दै आएका उनका ५ जना परिवार छन् ।

आमा,बुबा,दाजु,दिदी उनी सँगै बस्छन्। दाजु नबीन सार्की जसोतसो गरी ८ कक्षामा पढिरहेका छन् उनले भने आफू भने पैसा नहुँदा पढ्न सकेन । उनले जुता सिलाउन लागेको करिब एक वर्ष पुरा भएको बताए । उ

नले भने दिनको ६०० कमाई हुन्छ, कमाइको पैसा बाट घरमा चाहिने समान किनेर लग्छु । आमा होटेलमा भाडा माझ्ने काममा लाग्नु भएको छ भने बुबा कृर्षिपेशा गर्नु हुन्छ उनले भने जसो त्यसो गुजारा गर्न ठिक्क हुन्छ ।बुवाले काम गर्नु हुन्छ तर बोल्न सक्नु हुन्न उनले भने परिवारको रेखदेख आफैले गर्नु परेको उनले बताए ।

‘काम सकेर ६ बजे घर गई हाल्छु कमाएको पैसाबाट घरमा सकिएको सामाग्री किनेर लैजाछु अहिले पढाई गर्न खोजे पनि मन लाग्दैन आमा,बुबाले त पढाई गर भन्नुहुन्छ सानै बाट काम गर्नतिर लागियो,’ उनले भने, ‘गुजारा गर्ने र पैसा कसरी कमाउने खोजीमा लगाव बढिनै हुने गर्दछ ।’

‘पैसा भईदिएको भए गर्मीमा कसैलाई जुता सिलाउन रहर हुन्छ र रु उनले प्रश्न गर्दै भने घरको अवस्था कमजोरीकै कारण त हो नि काम गर्ने ।’
आर्थिक समस्याका कारण यहाँका बालबालिकाहरू होटेल रेस्टुरेन्ट ,ईटाभट्टा लगायतका क्षेत्रमा बाल मजदुर को रूपमा काम गर्दै आई रहेका छन् ।

आर्थिक समस्या परेका पढ्न नसकेका बालबालिकाका लागी बालहेल्पलाईनले सहयोग गर्दे आइरहेको बाल हेल्पलाईन धनगढीका प्रमुख हरिलाल चौधरीले निशाना न्युजलाई जानकारी दिए ।

आर्थिक समस्या छ तर १५ वर्ष पुगेको सामान्य लेख्न आउने बालबालिकाका लागी टेलरिङ्घ,पलम्बर,ड्राइभिङ,मोटरसाइकल मर्मत जस्ता सीप सिकाउने गरिएको उनले बताए ।

‘समस्यामा परेका, घर परिवार नभएका बालबालिकालाई बालगृहमा पठाउने गरिएको छ,’ उनले भने, ‘कान नसुन्ने बालबालिकालाई उपचारका लागि सहयोग गर्दै आएका छौँ ।’

बालबालिकाका लागि आपत्कालीन उद्धार, राहत, संरक्षण, मनोविमर्श, औषधी उपचारका सेवा बाल हेल्पलाइनले गर्दै आएको प्रमुख चौधरीको भनाइ छ ।  बाल हेल्पलाइनको तथ्याङक अनुसार कैलालीमा हाल सम्म नौ वर्षको अवधिमा दुई हजार बालबालिकालाई सहयोग गरेको छ ।